Zjarri që dogji për 3 ditë me radhë një sipërfaqe të konsiderueshme pyjore mbi tunelin e Krrabës është vënë nga tre persona.<br /><br />Policia arrestoi Armand Ukaj, Oltjan Deda, 26 vjeç dhe G.P, 17 vjeç, që të tre banues në fshatin Krrabë.<br /><br />Ata kishin hapur disa gropa për të bërë qymyr, nga janë përhapur flakët që dogjën mbi 15 hektarë lisa e dushk.<br /><br />Për shuarjen e zjarrit u ndërhy nga ajri me helikopter.<br /><br />Emergjencat Civile thonë se gjatë 24 orëve të fundit janë përballur me 14 vatra zjarresh në Tiranë, Dibër, Lezhë, Elbasan, Fier, Gjirokastër, Berat, Durrës e Korçë dhe Kavajë, ku dhe është ndërhyrë nga ajri.<br /><br />Me ndërhyrjen e zjarrfikësve, forcave të ushtrisë dhe helikopterëve, është bërë i mundur izolimi dhe shuarja e disa vatrave.<br /><br />Më problematike situata u paraqit në Mat. Forcat zjarrfikëse të ndihmuara edhe nga forcat e ushtrisë u angazhuan për shuarjen e një zjarri në fshatin Bushkash.<br /><br />Edhe në afërsi të Shëngjergjit, punonjësit e shërbimit zjarrfikës u angazhuan për shuarjen e zjarrit, i cili për shkak të terrenit të vështirë u përhap në një sipërfaqe të konsiderueshme.<br /><br />Ditën e nesërme pritet ndërhyrja nga ajri edhe në Parkun e Bogovës, në Skrapar, ku terreni i vështirë i ka penguar zjarrfikësit.<br /><br />Deri tani zjarret kanë djegur 500 hektarë pyje, pemë frutore, ullinj e shkurre.<br /><br />Tv Klan
