Foshnja e familjes Mimini, i lindur 2 ditë më parë në maternitetin ?Koço Gliozheni? në Tiranë, ka probleme serioze në zemër.<br /><br />Mungesa e një ene gjaku, që çon gjakun për ta pastruar nga zemra në mushkëri, vendos në rrezik jetën e tij. <br /><br />Antoneta dhe Arjani Mimini, prindërit e foshnjes 2 ditëshe, rrëfejnë mes dhimbjes dhe forcës çastet e para kur u njohën me problemin e të birit.<br /><br />?U bëmë gati për ta nxjerrë nga spitali sapo të plotësonim kartelën vjen doktoresha e sheh fëmijën që nuk ishte në rregull. Shpejt më tha se të pret ambulanca poshtë . Zbritëm e çuam tek QSUT. Doktori i bëri eko më shpjegoi se fëmija është në gjendje të rëndë? shprehet babai foshnjes.<br /><br />Deri tani gjendja e foshnjes po mbahet nën kontroll përmes ilaçit Prostagladinë revervë, pasi një ilaç i tillë nuk gjendet në Shqipëri.<br /> <br />?Kërkuam ndihmë nga njerëz të afërt,nuk e gjenim dot, na ndihmoi doktoresha. Ai medikamenti është sa për ta mbajtur gjallë jo për ta shpëtuar?, shton Arjani.<br /><br /> Albert Koja, mjek në QSUT, kontaktuar nga Report Tv sqaron se është urgjente nevoja për të ndërhyrë me operacione ndihmëse, e për këtë foshnja duhet nisur menjëherë jashtë vendit. Vendosja e një unaze ose stende duhet bërë që në ditët e para të jetës së tij.
