IRANE-Parku te Liqeni Artificial është përfshirë nga flakët mesditën e sotme.<br /> <br />Zjarri ka nisur në shkurre, ndërsa ka përfshirë edhe pemët për disa minuta.<br /> <br />Vatra e zjarrit është regjistruar rreth orës 14:00, ndërsa pas njoftimit ka mbërritur policia dhe zjarrfikësja.<br /> <br />Punonjësit e zjarrfikëses, qytetarët dhe gazetarët e Report Tv kanë shuar flakët duke izoluar vatrën e zjarrit në pak minuta.<br /> <br />Policia ka ndaluar një person të alkoolizuar, pasi dyshohet se ka vendosur zjarrin qëllimisht.<br /> <br />Sipas policisë së kryeqytetit, Arben Guga 53-vjeç u ndalua, pasi sipas të dhënave të para vendosi qëllimisht zjarrin në Parkun te Liqeni Artificial.<br /><br />Javët e fundit vendi është përfshirë nga disa vatra zjarri nga veriu në jug si pasojë e temperaturave të larta, por edhe zjarrit të qëllimshëm.
