Tre banesa të fshatit Çorrush të Mallakastrës u dogjën nga zjarri.<br /><br />Flakët përfshinë kodrat e fshatit, pasi një banor dogji disa mbetje bari dhe era e fortë bëri që situata t?i dilte jashtë kontrollit. Ai u shoqërua në polici.<br /><br />Me mjete rrethanore, banorët u rreshtuan në krah të punonjësve të emergjencave, për të parandaluar përhapjen në banesa të tjera të fshatit.<br /><br />Dhjetëra hektarë me ullishte nuk mundën të shpëtonin.<br /><br />Era e fortë i përhapi flakët me shpejtësi.<br /><br />Pas disa orësh zjarrfikësit e vunë situatën nën kontroll.<br /><br />Dy shtëpi të tjera u dogjën në Dropull. Banesat e 6 fshatrave Frashtan, Lugar, Grapsh, Jorgucat, Zervat dhe Sofratikë janë ende të rrezikuara.<br /><br />Zjarrfikësit me mjetet e tyre nuk kanë mundur të veprojnë për shkak të terrenit të thyer. Dy avionë Canadair të ardhur nga Greqia lëshuan sasi të mëdha uji.<br /><br />U angazhuan edhe helikopterë.<br /><br />Në qafën e Muzinës që u përfshi nga zjarret pasditen e të enjtes operacionet nga ajri vazhduan deri në orët e vona të pasdites. Zjarri i është afruar zonës turistike të Syrit të Kaltër.<br /><br />Pamjet e flakëve që kanë pushtuar këtë zonë u postuan edhe në faqet e CNN dhe revistës Time.<br /><br />Vatra aktive ka edhe në Tiranë, në Malin e Krrabës.<br /><br />Në Dibër janë ende në rrezik shtëpitë e fshatit Vojnike.<br /><br />Me zjarret po përballen edhe Emergjencat Civile të Lezhës.<br /><br />Në të gjithë vendin janë regjistruar 280 vatra, të cilat në shumë raste ka rezultuar se ka qenë zjarrëvënie e qëllimshme dhe disa persona janë arrestuar.<br /><br />Tv Klan
