Deputeti i PDIU-së Aqif Rakipi u përfshi në një aksident me pasojë vdekjen e një 54 - vjeçari mëngjesin e së shtunës. Automjeti Benz me të cilin ai udhëtonte përplasi për vdekje Seit Sorrën, në autostradën Tiranë ?Durrës, në afërsi të mbikalimit të Kamzës.<br /><br />Policia sqaroi se gjeti pa shenja jete në rrugë 54 - vjeçarin nga fshati Kus i Kasharit dhe se në orën 4 e 51 minuta të mëngjesit, deputeti Aqif Rakipi u paraqit në Komisariatin numër 2 në kryeqytet, ku deklaroi se kishte përplasur një person në autostradë dhe po se kërkonte të dorëzohej.<br /><br />Policia tha se pavarësisht se deputeti u largua nga vendngjarja, kjo nuk e pengoi të kryejë të gjitha veprimet hetimore dhe proceduriale, ekzaminimet e ndryshme kriminalistike, testin e alkoolit, si dhe sqarimin e rethanave të aksidentit.<br /><br />Në bazë të kqyrjes së vendit të ngjarjes, ekspertizave në rrugë nga tre ekspertë, u arrit në përfundimin se përgjegjës për aksidentin është viktima Seit Sorra.<br /><br />Sipas tyre, 54 - vjeçari i ka ndërprerë rrugën papritur deputetit, duke mos i lënë mundësi për të reaguar. Për më tepër, viktima nuk duhej të kalonte nga njëra anë e autostradës në tjetrën përmes trafikndarëses, pasi në këtë aks automjetet udhëtojnë me shpejtësi të lartë dhe vendkalimet e këmbësorëve janë të përcaktuara.<br /><br />Pas daljes së rezultateve të ekspertizës, Aqif Rakipi ka lënë Drejtorinë e Policisë së Tiranës, ku ishte shoqëruar nga blutë dhe do të hetohet në gjendje të lirë.<br /><br />Tv Klan
