I nxehti afrikan i pagëzuar si "Luçiferi" duket se është larguar nga vendi ynë me rënien e reshjeve të para të shiut, por temperaturat e larta do rikthehen sërish. <br /><br />10 ditët e para të gushtit u karakterizuar nga temperatura ekstreme të cilat kaluan mbi 40 gradë. Reshjet e shiut të cilat ranë mbrëmjen e kaluar kanë ulur temperaturat deri në 10 gradë celsius të cilat do të vijojnë përgjatë dy ditëve. <br /><br />Megjithatë, metorologia Lajda Porja u shpreh për Report Tv se fundjava e ardhshme do rezervojë temperatura të larta të cilat do arrijnë deri në 36 gradë celsius, një lajm i mirë ky për të gjithë ata të cilët kishin planifikuar pushimet në fund të muajit gusht. <br /><br />"Pritej kjo zbritje e temperaturave dhe rikthimi i reshjeve të shiut. <br /><br />Parashikohet që situata me vranësira dhe reshje shiu të jetë në zonat malore dhe verilindje të vendit. Temperaturat kanë zbritur deri në 10 gradë celsius prej mbrëmjes së djeshme. <br /><br />Nesër pritet të kemi kthjellime dhe deri në fund të javës të kemi rritje të temperaturave me 1-2 gradë nga dita në ditë. Të enjten do kulmojnë me 35-36 gradë, pra do kemi sërish masa ajrore të ngrohta nga Afrika, por nuk do kemi temperatura ekstreme.
