Edhe pse ulja e temperaturave ishte diçka e shumëpritur nga të gjithë, ka prishur gjithashtu edhe planet e shumë personave të cilët kishin filluar pushimet në bregdet.<br /><br />Ndërkohë që temperaturat do të rriten ditën e sotme, për ata kanë zgjedhur të pushojnë pranë detit, sërish nuk të jenë një ditë e përshtatshme.<br /><br />Kthjellime dhe vranësira të lehta do të dominojnë motin ditën e sotme në zonat bregdetare dhe në zonat e ultë, por vranësira më të dukshme do të ketë në zonat lindore të vendit.<br /><br />Edhe pasditja e ditës së sotme do të jetë në kushte të njëjta atmosferike, ndërsa gjatë orëve të natës do të ketë edhe rrebesh shiu afat- shkurtër.<br /><br />Temperaturat e ajrit do të ketë një rritje prej dy gradësh dhe vlerat minimale do të jenë nga 14- 15 gradë celsius, e ato maksimale 33- 34 grade celsius.
