Një zjarr i fuqishëm ka rënë në kodrat e Levanit në Fier.<br /><br />Zjarri është afruar pranë rrugës nacionale Fier Vlorë dhe për këtë arsye është bllokuar qarkullimi i makinave, duke krijuar rradhë të gjata kilometrike.<br /><br />Trafiku në aksin Levan Fier është shumë i ngarkuar.<br /><br />Zjarri favorizohet edhe nga era e fuqishme duke bërë të pamundur neutralizimin e flakëve që po djegin gjithçka që gjejnë përpara.<br /><br />Zjarri ka nisur para disa orësh dhe ka djegur parcela të tëra dhe ullinj.<br /><br />Kanë ardhur në ndihmë edhe FNSH, ushtria dhe po tregohet kujdes që zjarri të mos arrijë në banesat aty pranë.
