http://www.vizionplus.tv<br />https://facebook.com/VizionPlusTV<br />https://twitter.com/VizionPlusTV<br /><br />Një ditë pas sulmit të përgjakshëm në sheshin e njohur Las Ramblas, ku humbën jetën 14 persona dhe mbi 100 u plagosën si pasojë e një sulmi terrorist me furgon, qindra vendas dhe të huaj kanë marshuar në rrugët e Barcelonës dhe sheshin qendror, për të treguar se nuk kanë frikë.<br /> <br />Ata kanë mbajtur një minutë heshtje në nderim të viktimave, ndërsa autoritetet kanë shpallur 3 ditë zie kombëtare. Viktimat dhe të plagosurit mësohet se janë nga 18 shtete të ndryshme të botës, mes të cilëve edhe nga vendet fqinje Greqia, Maqedonia dhe Italia.<br /> <br />Dhjetëra të tjerë kanë ndezur qirinj dhe kanë vendosur lule në përkujtim të viktimave, më e vogla prej tyre një vajzë vetëm 3 vjeç.<br /> <br />Policia njofton se 15 prej të plagosurve janë në gjendje shumë të rëndë.<br /> <br />Ndërkohë, autoritetet spanjolle kanë vënë në pranga një 18 vjeçar i identifikuar si Driss Oukabir, si të dyshuarin kryesor i cili kishte marrë furgonin me qira dhe ishte i pranishëm gjatë sulmit.<br /> <br />Por, Driss Oukabir, i vërteti, 28-vjeç është dorëzuar në stacionin e policisë, duke deklaruar se vëllai i tij, 18 vjeç, i kishte vjedhur dokumentet.<br /> <br />Sulmuesi I vërtetë quhet Moussa Oukabir dhe jeton në Barcelonë.<br /> <br />Ndërkohë mediat shkruajnë edhe për dy persona të armatosur që u arrestuan, pasi u fshehën në një restorant pranë zonës ku ndodhi sulmi.<br /> <br />Ende nuk ka asnjë informacion për identitetin e tyre.<br /> <br />Grupi Shteti Islamik mori përgjegjësinë për sulmin e së enjtes. Me anë të një njoftimi në internet, agjencia e lajmeve të ISIS shkruan se sulmi i së enjtes u krye nga ushtarë të shtetit të vetëshpallur Islamik.
