یہ زمیں چاند ستاروں کا بدل کیسے ہو - اشفاق حسین <br /> <br />اشفاق حسین (ٹورنٹو، کینیڈا) کا کلام: <br /> <br />یہ زمیں چاند ستاروں کا بدل کیسے ہو <br />سوچتا میں بھی بہت کچھ ہوں، عمل کیسے ہو <br />صورت حال بدل جاتی ہے اک لمحے میں <br />آدمی اپنے ارادوں میں اٹل کیسے ہو <br />کن درختوں سے لگا رکھی ہے امیدِ ثمر <br />شاخ ہی جب نہ ہو سر سبز تو پھل کیسے ہو <br />سوچتے کچھ ہیں، عمل کچھ ہے، نتیجہ کچھ ہے <br />ایسی صورت میں کوئی مسئلہ حل کیسے ہو <br />درد سے کوئی تعلق، نہ علاقہ غم سے <br />صرف لفظوں کے برتنے سے غزل کیسے ہو <br />ہم نے اک عمر گزاری ہے اسی الجھن میں <br />یعنی اظہارِ محبت میں پہل کیسے ہو <br />عشق میں ہم تو نکمے ہیں بقولِ غالب <br />ہم سے تعمیر کوئی تاج محل کیسے ہو <br />میرے محبوب کا اردو سے تعلق ہی نہیں <br />مینوں آندی نہیں پنجابی تے گل کیسے ہو <br /> <br />Ashfaq Hussain (Canada) ki ghazal "yeh zamee'n chaand sitaaro'n ka badal kaisey ho"
