اٹھا وہ جبر تاہم جبر کی تمثیل باقی ہے - ورد بزمی <br /> <br /> ورد بزمی ورد بزمی (پاکستان) کی غزل: <br />اٹھا وہ جبر تاہم جبر کی تمثیل باقی ہے <br />حقیقت میں ہمارے دیس کی تشکیل باقی ہے <br />قدم رکھتا ہوں تو اک درد سا اٹھتا ہے پاؤں میں <br />فرنگی فکر کی تلوے میں شاید کیل باقی ہے <br />نہ جانے کس لئے اس قوم کی آنکھیں نہیں کھلتیں <br />غلامی سے بھی بڑھ کر کیا کوئی تذلیل باقی ہے <br />کوئی ہابیل کی خاطر عدالت میں نہیں جاتا <br />ہمارے شہر میں زندہ تبھی قابیل باقی ہے <br />جہاں عصمت نہ لٹتی ہو جہاں ڈاکے نہ پڑتے ہوں <br />کہیں اس دیس میں ایسی کوئی تحصیل باقی ہے <br />میرے اشعار ابھی سے چبھ رہے ہیں حکمرانوں کو <br />انھیں کہ دو کہ یہ تمہید تھی تفصیل باقی ہے <br /> <br />Ward Bazmi (Pakistan) ki ghazal "utha woh jabr, taa'ham jabr ki tamseel baaqi hai"
