یہ وہم جانے میرے دل سے کیوں نکل نہیں رہا - جواد شیخ <br /> <br />جواد شیخ (ناروے) کی غزل؛ <br />یہ وہم جانے میرے دل سے کیوں نکل نہیں رہا <br />کہ اس کا بھی مری طرح سے جی سنبھل نہیں رہا <br />کوئی ورق دکھا جو اشکِ خوں سے تر بتر نہ ہو <br />کوئی غزل دکھا جہاں وہ داغ جل نہیں رہا <br />میں ایک ہجرِ بے مراد جھیلتا ہوں رات دن <br />جو ایسے صبر کی طرح ہے جس کا پھل نہیں رہا <br />تو اب مرے تمام رنج مستقل رہیں گے کیا <br />تو کیا تمہاری خامشی کا کوئی حل نہیں رہا <br />کڑی مسافتوں نے کس کے پاؤں شل نہیں کیے <br />کوئی دکھاؤ جو بچھڑ کے ہاتھ مل نہیں رہا <br /> <br />Jawad Shaikh ki ghazal "yeh wehm jaaney merey dil sey kyun nikal nahi raha'
