Report TV siguron videon e incidentit që ndodhi ditën e zgjedhjeve të 25 qershorit në Shëngjin të Lezhës, ku u dhunua militanti i LSI-së, Florian Dushku, pranë qendrës së votimit.<br /> <br />Lidhur me këtë ngjarje policia e Lezhës ka shpallur prej 25 qershorit në kërkim tre persona, Samuel Ndokën, Damian Ndokën dhe Gentian Markun.<br /> <br />Samuel dhe Danjan Ndoka janë të afërt të ish- deputetit të PS, Arben Ndoka.<br /> <br />Pamje janë filmuar nga një kamera sigurie e një biznesi aty pranë, ku Florian Dushku, personi i veshur me këmishë të bardhë është duke qëndruar në këmbë kur në drejtim të tij vijnë agresorët.<br /> <br />Ata e godasin direkt me grushte, ndërsa përleshja merr të tjera përmasa pasi përfshihen disa persona, për t?i ndarë palët.<br /> <br />Autorët kanë edhe pistoletë dhe me qytën e saj godasin Florian Dushkun, eksponent i LSI-së, ndërkohë që qëllojnë edhe në ajër.<br /> <br />Përleshja zgjat disa minuta, ndërsa më pas agresorët largohen në drejtim të rrugës ku kanë parkuar makinën.<br /> <br />Policia në vendin e ngjarjes gjeti edhe gëzhoja të cilat i sekuestroi, ndërsa ende nuk ka rënë në gjurmët e agresorëve.<br /> <br /> Ditën e zgjedhjeve drejt vendit të ngjarjes u nis edhe Presidenti aktual Ilir Meta, i cili akuzoi si përgjegjës të këtij incidenti, Edi Ramën, pasi sipas tij, ka nxitur bandat kriminale në Lezhë.
