Rrugicat dhe hyrjet e ngushta mes pallateve në Tiranë, vështirësojnë punën e zjarrfikësve në menaxhimin e rasteve të zjarrit në banesa dhe biznese.<br /><br />Rruga ?Ibrahim Hasmeta? është vetëm një nga këto rrugica, ku Report Tv pa nga afër kushtet që lejojnë shërbimin zjarrfikës për të vepruar shpejt dhe në kohë.<br /><br />Banorët shprehen se makinat e zjarrfikëses e kanë të pamundur të kalojnë në këtë rrugë të ngushtë dhe të prishur, e cila fillimisht ka qenë kalim vetëm për këmbësorët.<br /><br />?Do digjemi si minjtë, këtu zjarrfikëset nuk kalojnë, kjo ka qenë rrugë këmbësorësh, tani është bërë për makinat. E vetmja shpresë që kemi është që të mos bie zjarri?, shprehen banorët.<br /><br />Rrugët e ngushta, trafiku i rënduar, ndërtimet pa kriter dhe mungesa e korsive të emergjencave janë disa nga problemet që has shërbimi i zjarrfikëses. Veçanërisht në Tiranë procesi i urbanizimit ka sjellë ngushtim të hapësirave publike që ndikojnë edhe në shërbimet e emegjencave, një proces ky thuajse i pandershëm edhe në të ardhmen.
