Vjeshta do jetë periudha e aksioneve në Partinë Demokratike. Burime për Report Tv, thonë se aksioni opozitar do të fillojë me ristrukturimin e 68 degëve të PD në 12 qarqet e vendit.<br /><br />Më të rrezikuar për tu zëvendësuar, janë krerët e degëve që shënuan një humbje më të madhe sesa në vitin 2013.<br /><br />Ashtu siç kanë pohuar edhe disa figura të rëndësishme në PD, aksioni opozitar i demokratëve për të kontrolluar qeverinë është duke denoncuar çdo aferë korruptive apo kriminale me protesta, që sipas burimeve do të fillojnë nga shtatori.<br /><br />Reforma Kushtetuese dhe reforma zgjedhore do të jenë aksioni parlamentar i demokratëve, të dy këto reforma si pjesë e marrëveshjes së 18 majit e firmosur nga kreu I opozitës Lulzim Basha dhe kryeministri Edi Rama.<br /><br />Reforma kushtetuese parashikon ndryshimin e sistemit parlamentar nga 140 deputetë në 100 deputetë, dhe gjithashtu në platformën e demokratëve përfshihet edhe zgjedhja e presidentit nga populli.
