http://www.vizionplus.tv<br />https://facebook.com/VizionPlusTV<br />https://twitter.com/VizionPlusTV<br /><br />"Koreja e Veriut ka lëshuar tre raketa balistike me rreze të shkurtër veprimi mëngjesin e kësaj të shtune, edhe pas paralajmërimeve të Shteteve të Bashkuara të Amerikës.<br /> <br />Zyrtarë të Koresë së Jugut raportojnë se raketat u nisën nga një vend në krahinën Ganguon, në bregun e saj lindor dhe ranë në det.<br /> <br />Ministrja e Mbrojtjes së Koresë së Jugut tha për mediat se ushtria po mban një mbikëqyrje të ngushtë mbi Veriun, për të përballuar provokimet e mëtejshme.<br /> <br />Por, sipas zyrtarëve të Ushtrisë Amerikane, hedhja e raketave dyshohet se vjen si një përgjigje ndaj stërvitjes së përbashkët ushtarake mes SHBA dhe Koresë së Jugut, ku marrin pjesë mijëra trupa paqeruajtës.<br /> <br />Marrëdhëniet mes Phenianit dhe Uashingtonit janë në kulmin e tensionit, i cili ka nisur një muaj më parë që kur Koreja e Veriut testoi një raketë balistike ndërkontinentale.<br /> <br />Paralajmërimet e SHBA duket se nuk e kanë bindur Phenianin të ndalojë testimin e raketave me rreze të largët.<br /> <br />Pak javë më parë, Kim Jong Un kërcënoi se objektivi i ardhshëm nuk do të jetë vetëm baza më e madhe ushtarake amerikanë në ishullin e Guamit në Paqësor, por edhe kontinenti amerikan."
