Kur kanë mbetur vetëm 9 ditë nga përfundimi i masës së sigurisë për Ermal Fatjan, skafistin që dyshohet se vrau turisten ruse Ksenia Riok në korrik të këtij viti, ende nuk ka përfunduar m ekzaminimi i ADN-së për të konfirmuar fajësinë e tij.<br /><br />Burime Prokurorisë së Përgjithshme konfirmuan se vendimet e eksperëtve për ekzaminimet përkatëse, nuk kanë mbërritur ende në organin e akuzës. Kampionet e flokëve të ruses të gjetura në helikën e skafit të Fatajt, u kerkua të dërgoheshin në Itali, ose Austri pas problemeve me laboratorin e policise.<br /><br />Por edhe kjo nuk ndodhi. Burime të policisë së Shtetit, kanë pohuar se dëshmitë dhe provat rrethanore konfirmojnë se ditën e ngjarjes, se skafi i Ermal Fatajt, ishte i vetmi që lëvizte në zonën ku ndodhi ngjarja.<br /><br />Po kështu sipas tyre, ai është i vetmi skaf, në helikën e të cilit janë gjetur mbetje lëkure dhe flokësh të ngjashme me ngjyrën e flokëve të turistes 15 vjeçare Ksenia Riok. Por nga ana tjetër Prokuroria dhe Gjykata kanë kërkuar prova shkencore për këtë fakt.<br /><br />Për këtë qëllim tri ditë pas arrestimit të Fatajt, me 24 korrik, Gjykata vendosi masën e sigurisë arrest me burg për 40 ditë për të deri në përfundim të analizave të ADN-së. Kur janë bërë më tepër se 30 ditë nga kjo masë analiza nuk ka mbërritur çka mund të çojë edhe në lirimin e të dyshuarit.<br /><br /><br /><br />Tv Klan
