Në moton ?ME PAK PER ME SHUME? Edi Rama prezantoi kabinetin qeverisës të mandatit të tij të dytë krejtësisht socialist që nga 19 ministri do të reduktohet në 11 plus 2 ministra shteti pranë kryeministrit.<br /><br />Me filozofinë e njohur të tij për barazinë gjinore, qeveria e re do të ketë 50 % të përfaqësimit burra dhe 50 gra.<br /><br />Padyshim ajo qe surprizoi ishte emri 2 i qeverisë, postin e zv/kryeministres do ta marrë një grua e bërë e njohur mes socialisteve vetëm në këto zgjedhje ku kandidoi në qarkun e Shkodrës. Senida Mesi, ekonomiste në profesion, gëzon një mbështetje maksimale të kryeministrit, çka e tregoi dhe në prezantimin që i bëri.<br /><br />Një tjetër emër që surprizon është ai i kreut te ri të drejtësisë, sërish një grua. Etilda Gjoni aktualisht zv/ministre në këtë detyrë do të marrë drejtimin e këtij dikasteri më shumë rëndësi.<br /><br />Ministri i Brendshëm rikthehet pas një eksperience vetëm disa javore Fatmir Xhafa, i cili ishte dhe i vetmi emër i cili dihej në formacionin e ri të kryeministrit.<br /><br />Mimi Kodheli ia la vendin e saj tek mbrojtja Olta Xhaçkës, edhe me një eksperiencë vetëm 2 mujore si ministre e mirëqenies përpara marrëveshjes së 18 majit.<br /><br />Po ashtu edhe Ogerta Manastirliu rikthehet tek shëndetësia pasi u largua për t'i lënë vendim ministrit teknik Beqiri, por do t'i bashkangjitet dhe kujdesi social pas shkrirjes së Ministrisë së Mirëqenies Sociale dhe Punës.<br /><br />Te Ministria e Jashtme kryeministri vendosi te rikthejë Ditmir Bushatin, po ashtu dhe te dikasteri i Kulturës rikonfirmohet Mirela Kumbaro.<br /><br />Arben Ahmetaj rikthehet te financat, por tashmë do të ketë një superministri të cilës i është bashkangjitur dhe dikasteri i ekonomisë, por dhe ai i punës. Një superministri do të drejtojë dhe Damin Gjiknuri i cili do te jetë në krye të Ministrisë se risktrukturuar të Energjitikës dhe Infrastrukturës. Për të cilin kryeministri nuk i kurseu lëvdatat.<br /><br />Vlerësimet e tij kreu i qeverise nuk i kurseu as për Blendi Klosin që rikthehet ne qeverinë Rama për të drejtuar Turizmin që tashmë do të jetë bashkë në një ministri me mjedisin.<br /><br />Lindita Nikolla do të rimarre drejtimin e Ministrisë së Arsimit të cilës veç sporteve do t'i bashkangjitet dhe rinia. Ish zv/kryeministri Niko Peleshi do të marrë postin e Ministrisë së Bujqësisë dhe Zhvillimit Rural.<br /><br />2 ministrat e shtetit do të jenë, Pandeli Majko që do të drejtojë dikasterin e ri të Ministrisë së Diasporës dhe ish drejtorja e agjencisë se pronave, Sonila Qato që do të ketë portofolin e Ministres për Mbrojtjen e Sipërmarrësve, dhe kjo një tjetër ministri e re. Këto zëvendësojnë Ministritë e Shtetit për Parlamentin, për Inovacionin dhe Ministrinë për Pushtetin Vendor që nuk do të ekzistojnë me ne kabinetin e këtij 4-vjeçare ashtu si dhe ministria e integrimit që kryeministri Rama ka vendosur t'i shkrijë. Kryeministri konfirmoi atë që e kishte bërë të ditur pas zgjedhjeve që drejtimin e parlamentit do ta marrë Gramoz Ruçi dhe vendin e tij të kryetarit të grupit e zë Taulant Balla./Tv Klan
