Subscribe në Ora News këtu http://bit.ly/1s5j7UT<br /><br />Në tre muajt e fundit, policia e Korçës ka evidentuar 15 raste të dëmtimit të pyjeve për dru zjarri, ndërsa ka marrë një plan masash për parandalimin e fenomenit të përvitshëm në prag të sezonit të dimrit. Veç zjarreve, edhe dora e njeriut ka dëmtuar fondin pyjor në juglindje të vendit, që nxitet edhe nga rritja e kërkesës së qytetarëve për dru zjarri.<br />Sipërfaqe të tëra pyjore janë shkatërruar nga dora e njeriut në juglindje të vendit, pasi prerja e paligjshme dhe kontrabanda e druve për zjarr nuk ndalet.<br />Përveç zjarreve të shumta të regjistruara në pyjet e Korçës, edhe prerja po dëmton fondin pyjor. Rritja e kërkesës së qytetarëve për dru zjarri në këtë periudhë, në pritje të dimrit, nxit abuzuesit që të presin pa kriter.<br />Pavarësisht punës së Inspektoriatit Pyjor, situata alarmante ka bërë që nga ana e Drejtorisë së policisë të merret një plan masash parandaluese për ti paraprirë fenomenit që përsëritet nga viti në vit dhe për të mos lejuar që të rrafshohen pyjet e Korçës dhe Parqet Kombëtare.<br />Rasti më i fundit është kapur nga policia në zonën e Vithkuqit, e cila mbetet një prej më problematikëve sa i takon prerjes së paligjshme të pyjeve.<br />3 automjete me dru të sapoprerë u kapën në afërsi të Vithkuqit nga policia, ndërsa personat përgjegjës janë larguar duke braktisur automjetet dhe motosharrat e tyre por ata u identifikuan dhe shoqëruan.<br /><br />Për më shumë lexoni në: http://www.oranews.tv/vendi/prerja-e-pyjeve-policia-plan-masash-per-parandalimin-e-fenomenit/
