Presidenti Ilir Meta ka dekretuar këtë martë mbledhjen e parë të legjislaturës së IX të Kuvendit të Republikës së Shqipërisë.<br /><br />Seanca e parë do të mbahet në datën 9 shtator 2017 në orën 10.00<br /><br />Presidenti Ilir Meta ka dekretuar këtë datë për Parlamentin e ri të dalë pas zgjedhjeve të 25 qershorit. <br /><br />Sipas rregullores, seanca e parë drejtohet nga deputeti më i vjetër në moshë, e nëse ai refuzon, nga pasaardhësi i tij.<br /><br />Çfarë ndodh në mbledhjen e parë të Kuvendit<br /><br />Në mbledhjen e parë parashikohet ngritja e Komisionit të Përkohshëm për Verifikimin e Mandateve, i cili brenda dy ditëve do i paraqesë Kuvendit raportin për vlefshmërinë e mandateve të deputetëve te rinj.<br /><br />Menjëherë një séance e dytë do të mblidhet për betimin e deputeteve të rinj dhe zgjedhjen e kryetarit të ri të Kuvendit.<br /><br />Për këtë post socialistët propozojnë Gramoz Rucin.<br /><br />Ditën e konstituimit të parlamentit të ri Partia Socialiste, fituese e zgjedhjeve te qershorit do i paraqesë Presidentit të Republikës kandidaturën e Edi Ramës për kryeministër.
