Policia nisi paradite një operacion për goditjen e kultivimit dhe trafikun e lëndëve narkotike në fshatrat e Vlorës.<br /><br />Forca të shumta të Ndërhyrjes së Shpejtë, Repartit DELTA dhe policisë kufitare kontrolluan territorin e disa njësive administrative për identifikimin e zonave të kultivuara me Kanabis.<br /><br />Kontrollet u përqendruan në Novoselë, ku në vitin 2016 u zbuluan parcela të shumta me kanabis.<br /><br />Policia ka kontrolluar edhe banesa të braktisura, objekte, bunkerë apo vende te tjera që mund të përdoren nga trafikantët për të kultivuar apo fshehur drogën.<br /><br />Operacioni filloi menjëherë pas paralajmërimit që kryeministri Edi Rama dhe Kreu i Policisë Haki Çako dhanë nga mbledhja e Task- Forcës, për goditjen e çdo rasti të trafikimit të drogës.<br /><br />Kontrolle të njëjta për parandalimin e trafikimit të drogës dhe identifikimin e parcelave të mbjella u kryen dy ditë më parë edhe në zonën bregdetare të Lezhës e Shëngjinit.
