Këto janë pamjet e zjarrit mbi kurorën e gjelbër të Laçit, fare pranë Kishës së Shën Andout.<br /><br />Operacionet e Emergjencave Civile nga ajri dhe dhjetëra zjarrfikës dhe njësi të ushtrisë nga toka shuan përfundimisht gjatë orëve të para të mëngjesit flakët që iu afruan Kishës.<br /><br />Të rrezikuara ishin edhe shtëpitë në lagjen Sanxhak.<br /><br />10 vatra zjarri kanë qenë aktive në 24 orët e fundit, në Pukë, Shkodër, Elbasan, Fier e Korçë, ku janë djegur sipërfaqe të konsiderueshme me pyje e shkurre.<br /><br />Në Dibër, një person u arrestua, si autor i zjarrit në fshatin Gjon të Martaneshit. Një tjetër u procedua si autor i zjarrit në fshatin Muhurr.<br /><br />Emergjencat civile raportuan se për vënien në kontroll të këtyre zjarreve janë angazhuar dhjetëra forca zjarrfikëse dhe efektivë të ushtrisë.
