http://www.vizionplus.tv<br />https://facebook.com/VizionPlusTV<br />https://twitter.com/VizionPlusTV<br /><br />Administrata tatimore ka publikuar listën e subjekteve debitore ndër vite ku në total janë 18 mijë të tilla.<br /> <br />Mes subjekteve private nuk mungojnë edhe institucionet shtetërore, e konkretisht njësitë vendore.<br /> <br />Janë 13 bashki kryesisht të vogla, të cilat tatimet i kanë listuar si borxhlinj, pasi ndër vite nuk kanë paguar tatimet, specifikisht sigurimet shoqërore për punonjësit.<br /> <br />Bëhet fjalë për bashkinë: Poliçan, Krujë, Rrogozhinë, Fush-Krujë, Memaliaj, Përmet, Tepelenë, Himarë, Shijak etj.<br /> <br />Detyrimet e këtyre bashkinë nisin që nga viti 2012, por ka edhe nga ato që i kanë krijuar gjatë këtij viti borxhet, siç janë bashkia Himarë dhe ajo e Krujës.<br /> <br />Administrata tatimore nuk ka bërë publike shumën e detyrimit që ato kanë, por tashmë janë në fazën që këto borxhe do të mblidhen me forcë, duke nënkuptuar edhe bllokim të llogarive bankare.<br /> <br />Pas zbatimit të reformës territoriale ku shumë komuna u shkrinë me bashkitë u kalkulua një borxh ndaj buxhetit, 12 miliard leke, nga të cilat deri në 3 mujorin e parë të këtij viti ishin shlyer vetëm 2.7 miliardë.<br /> <br />Ministria e Financave ka hartuar një ligj, për njësitë vendore ku parashikohet një monitorim më i rrepte i shpenzimeve, si dhe vendosjen e taksave të përkohshme me qëllim rritjen e të ardhurave.
