Ndryshe nga një vit më parë, ky sezon i ri artistik në Teatrin e Operas dhe Baletit nis me një premierë. Do të jetë një opera, e cila i ka munguar skenës shqiptare prej gjysmë shekulli.<br /><br />Drejtorja artistike në TKOB, Abigela Voshtina thotë: ?Kemi filluar punë pak më shpejt se normalisht. Ishte e domosdoshme sepse jemi duke përgatitur një premierë, emrin e të cilës nuk do ta themi.?<br /><br />Provat kanë nisur për një nga operat më të njohura në gjuhën franceze. Edhe pse drejtuesit janë përpjekur mos ta zbulojnë atë, Televizioni Klan mësoi se bëhet fjalë për ?Peshkatarët e Perlave?.<br /><br />?Do të kemi premierë edhe në balet, do të kemi premierë edhe në opera,? shtoi Voshtina.<br /><br />Për herë të parë kompozimi i Georges Bizet, me regji të Luigj Gurakuqit dhe dirigjim të Mustafa Krantjës, ?Peshkatari i Perlave? u vendos në skenën shqiptare në vitin 1964. Premierat nuk do të jenë ekskluzivitet vetëm i operas.<br /><br />Skenës së operas dhe baletit nuk do ti mungojnë artistët e huaj sikundër edhe shqiptarët e suksesshëm jashtë. Në kalendarin e artistik të tenorit Saimir Pirgu për vitin 2018 nuk mungon Shqipëria. Një nga zërat më të njohur të muzikës ndërkombëtare operistike do të jetë në Tiranë në fillim të vitit.<br /><br />Edhe ky sezon do të funksionojë me të njëjtën filozofi. Shfaqje të operas dhe baletit do të ngjiten në skenat e qyteteve të tjera apo do të mbahen koncerte në qiell të hapur.
