Subscribe në Ora News këtu http://bit.ly/1s5j7UT<br /><br />13 Bashki në të gjithë vendit janë klasifikuar si borxhlinj të këqinj. Sipas të dhënave këto bashki nuk kanë paguar sigurimet shoqërore të punonjësve por edhe detyrimet ndaj Ujësjellësave. Drejtoria e Tatimeve ka paralajmëruar mbledhjen e e detyrimeve me forcë.<br />Bashkitë Kavajë, Poliçan, Rrogozhinë, Himarë Tepelenë, Sukth, Kavajë, Fushë Krujë, Krujë, Shijak, Libohovë, Përmet dhe Divjakë janë klasifikuar borxhlinj të këqinj.<br />Lista e këtyre njësive vendore është publikuar në faqen zyrtare të Drejtorisë së Tatimeve ku vihet re se problemet më të mëdha lidhen me sigurimet e punonjësve, por ka edhe nga ata që nuk kanë shlyer borxhet ndaj Ujësjellësave.Drejtoria e Tattimeve ka njoftuar se ndaj Bashkive borxhlie do të veprohet duke i mbledhur detyrimet edhe me anë të forcës.<br />Detyrimet që janë akumuluar variojnë nga viti 2012 deri në vitin 2017.<br />Pavarësisht reformës territoriale e cila kishte si synim mirmenaxhimin e njësive vendore por edhe përmirësimin e tyre financiar, përsëri 13 Bashki kanë rezultuar borxhlie ndaj Drejtorisë së Tatimeve.<br />Vetëm pak ditë më parë Drejtoria e Tatimeve paralajmëroi se në rast të mospagesës së detyrimeve tatimore ky institucion do të ndërmarë masat penalizuese që parashikon ligji dhe që shkojë deri në sekuestrim të pasurive të paluajtshme.<br /><br />Për më shumë lexoni në: http://www.oranews.tv/ekonomi/13-bashki-ne-prag-falimenti-tatimet-do-u-mbledhin-me-force-detyrimet/
