Miratohet plani rregullues i bashkisë Himarë. Mbledhja e Këshillit bashkiak u zhvillua nën masa të rrepta sigurie në Kuç, pasi shumë banorë të Himarës ishin mbledhur jashtë ambienteve ku po zhvillohej mbledhja e këtij këshilli.<br /> <br />Kujtojmë se 5 ditë më parë u anulua séance e para e këtij këshilli pasi banorët hynë brenda ambienteve duke e bërë të pamundur mbarëvajtjen e mbledhjes.<br /> <br />Për shkak të shmangies së incidenteve mbledhja e radhë ishte vendosur të mbahej në njësinë administrative Kuç, por edhe sot banorët ishin mbledhur duke e kundërshtuar planin rregullues të Himarës.<br /> <br />Pas një ore qëndrim ata janë larguar dhe mbledhja e këshillit ka vijuar normalisht, duke bërë të mundur edhe miratimin e planit rregullues të qytetit të Himarës.
