Fadil Kasemi ka vendosur të kyçë gojën. Gjatë marrjes në pyetje në Drejtorinë e Policisë së Tiranës, nuk ka pranuar të japë shpjegime para grupit hetimor për motivin e vrasjes së ish - bashkëshortes, gjyqtares Fildeze Hafizi.<br /><br />Burime nga grupi hetimor thanë për Tv Klan se tregtari 53 - vjeçar nuk ka shfaqur pendesë, por gjithe kohën ka pasur mllef ndaj ish ? bashkëshortes, të cilën e vrau me plumb në kokë.<br /><br />U ka thënë hetuesve se i vjen keq për fëmijët dhe vetëm atyre u kërkon falje. Por nuk u ka treguar se përse e vrau gjyqtaren, me të cilën ishte divorcuar dy vjet më parë.<br /><br />Pas marrjes së një avokati, të siguruar nga familja, Kasemi ka deklaruar se sqarimet rreth ngjarjes ai do t?i japë në një fazë tjetër.<br /><br />Policia dhe Prokuroria kanë zbardhur dinamikën e ngjarjes në bazë të dëshmive dhe kqyrjes së kamerave të sigurisë që kanë filmuar vrasjen e ndodhur ditën e enjte rreth orës 14:00, në zonën e ?Xhamllikut?.<br /><br />53 - vjeçari ka pritur që ish - bashkëshortja të hipë në makinën e saj dhe i ështe afruar teksa ka qënë duke vendosur rripin e sigurimit. Xhami i mjetit ka qënë gjysëm i hapur, ndërsa Fadil Kasemi ka qenë 10 metra pas automjetit. Është afruar me shpejtësi dhe ka qëlluar pa pasur asnjë lloj komunikimi me ish - gruan. Nga pamjet filmike duket se Kasemi ka qëlluar dy herë. Goditja e parë është bërë nga 20 cm largësi, ndërsa e dyta nga mjaft afër.<br /><br />Pas kryerjes së krimit Fadil Kasemi është larguar në drejtim të rrugës ?Bardhyl? me pistoletë në dorë. Ka kërcënuar një drejtues furgoni, duke i vendosur armën në kokë dhe i ka kërkuar që ta nxjerrë jashtë Tirane. Por në këtë kohë ka ndërhyrë një patrullë e policisë, duke i vënë prangat./ Tv Klan
