TIRANE - Akademia e Shkencave të Shqipërisë mbajti sot zgjedhjet për kryetarin dhe zëvendëskryetarin e ri mes polemikash ku u përfshi edhe kryeministri Edi Rama.<br /><br />Pas numërimit të votave të 24 anëtarëve të Akademisë, të cilët morën pjesë në proces, Gudar Beqiraj u zgjodh kryetar i Akademisë së Shkencave. Beqiraj u zgjodh me 24 vota.<br /><br />Kryetari i ri i Akademisë së Shkencave nuk kishte asnjë rival në këtë garë. Ndërsa zv/kryetar i ASH u zgjodh ish-kryetari, Myzafer Korkuti. Kështu, Beqiraj dhe Korkuti këmbejnë vendet me njëri-tjetrin në postet kyçe të Akademisë së Shkencave. <br /><br />Zgjedhjet në Akademi nxitën mjaft reagime brenda akademikëve dhe jo vetëm, pasi njëra palë kërkoi transformim rrënjësoj kundrejt palës tjetër në "pushtet" që kërkonte të rikonfirmohet në detyrë.
