Shifra të frikshme të raportimeve të dhunës në familje në të gjithë vendin. Në 4 ditët e fundit në komisariatet vendore të policisë janë evidentuar mbi 35 denoncime për dhunë në familje.<br /><br />Nga Policia e Shtetit bëhet me dije se janë arrestuar për dhunë fizike dhe psikologjike brenda familjes 24 persona, ndërsa janë lëshuar 31 urdhra mbrojtjeje.<br /><br />Rritja e numrit të denoncimeve për dhunë në familje ka ardhur menjëherë pas vrasjes nga ish -bashkëshorti të gjyqtares Fildese Hafizi.<br /><br />Rasti më i rëndë është ai i Përrenjasit ku 40-vjeçari Ryzhdi Veizi mbrëmjen e së dielës ka dhunuar fizikisht duke i shkaktuar plagë të shumta bashkëshortes 34 vjeçare, e cila ndodhet e shtruar në spital.<br /><br />Ngjarja ka ndodhur për motive xhelozie.<br /><br />Nuk kanë munguar në denoncimet e ditëve të fundit dhe dhuna ndaj prindërve.<br /><br />Një 25-vjeçar është arrestuar në Kukës pasi ka dhunuar duke goditur me grushte në fytyrë babanë 52-vjeçar./Klan Plus
