Subscribe në Ora News këtu http://bit.ly/1s5j7UT<br /><br />Edhe pse të shtunën me seancën për konstituimin e Parlamentit dhe nisjes së miratimit të qeverisë së re nis zyrtarisht sezioni i ri politik, në PD ka rënë heshtja ndërsa ende nuk janë zyrtarizuar emrat që do të drejtojnë organet e kësaj force politike në Parlament.<br />Jo zyrtarisht u tha se Basha në fillim do të mblidhte grupin e ri parlamentar për të diskutuar mbi aksionin politik, por edhe mbi emrat për kryetar dhe nënkryetar të grupit apo për kryetar dhe nënkryetar të komisioneve parlamentare.<br />Prej të dielës, kryetari i PD Basha nuk ndodhet në Shqipëri pasi është nisur drejt Kopnhagenit për të marrë pjesë në Asamblenë Politike të PPE, ku marrin pjesë drejtues të partive të djathta europiane.<br />Në takimin e kësaj të marte Basha bëri një pasqyrë të zhvillimeve politike në vend dhe ndau me politikanët e djathtë europianë vizionin e tij për të ardhmen e PD-së dhe të opozitës.<br />Ai ka theksuar rëndësinë që ka për opozitën dhe vetë demokracinë në Shqipëri reformimi i sistemit zgjedhor, për t?i dhënë fund përgjithmonë historisë së manipulimit të zgjedhjeve.<br />Por në kthimin nga Kopenhagenin Bashës do ti duhet të jetë aktiv në takimet me grupin parlamentar dhe jo vetëm, jo për faktin e zgjedhjes së emrave pasi ai i ka projektuar ndonëse nuk bëhen publik, por edhe për të diskutuar për protestën e paralajmëruar ditën e shtunë në orën 09:30 përpara Parlamentit, me qëllim bllokimin e Gramoz Rucit kryetar Parlamenti dhe Fatmir Xhafës, ministër i Brendshëm.<br /><br />Për më shumë lexoni në: http://www.oranews.tv/vendi/heshtje-ne-pd-ende-nuk-jane-zyrtarizuar-emrat-qe-do-drejtojne-organet-e-partise/
