Kryeministri Edi Rama ka thirrur sot mbledhjen e dytë me qeverinë e re brenda javës, pas takimit dy ditor të Llogarasë.<br /><br />Edhe ky takim do jetë informal, por këtë herë mbahet në Velipojë, Shkodër. <br /><br />Në 28 gusht Rama mblodhi në Parkun Kombëtarë të Llogarasë anëtarët e kabinetit të ri qeveritar ku prezantoi detyrat dhe kompetencat e reja për ministrat, për shkak të ndryshimit të strukturës së disa institucioneve.<br /><br />Ndërsa në Velipojë Rama do diskutojë me ministrat çështjet e programit. Shefi i ekzekutivit do të ketë në tavolinë prioritetet e secilës ministri në katër vitet ardhshme, si dhe afatet e konkretizimit të tyre. Po ashtu në fokus do të jenë edhe strukturat, kryesisht të atyre dikastereve të cilave do t?u bashkohen ministritë që shkrihen.<br /> <br />Mbledhja vjen katër ditë para konstituimit të Kuvendit të ri dhe zgjedhjes së kryeparlamentarit, post i cili do t?i besohet ish-kryetarit të grupit parlamentar socialist, në legjislaturën e fundit, Gramoz Ruçi.
