Dy ditë pasi u zgjodh me votë në detyrën e zëvendëskryetarit të Akademisë së Shkencave Myzafer Korkuti jep dorëheqjen.<br /><br />Në letrën drejtuar anëtarëve të asamblesë, ai shkruan se arsyeja është personale dhe dorëheqja është e parevokueshme.<br /><br />Në intervistën pasi u zgjodh zëvendës-kryetar, Myzafer Korkuti, paralajmëroi ndryshimet në strukturën e institucionit të kërkimit shkencor.<br /><br />Por dorëheqja vjen në mesin e debatit që lindi nga paralajmërimi i kryeministrit Rama se do t?i heqë fondet Akademisë dhe do t?i marrë godinën, për shkak se sipas tij, zgjedhjet e të hënës ishin farsë.<br /><br />Zgjedhjet vendosën në krye të Akademisë Gudar Beqirajn, që mbante postin e nënkryetarit.<br /><br />Myzafer Korkuti që me herët mbante detyrën e kryetarit, ishte kandidatura e vetme për zëvendës- kryetar dhe vota prodhoi një rokade mes tyre.<br /><br />Në profesion arkeolog, me një karrierë mbi 40-vjeçare në fushën e gërmimeve arkeologjike, autor i dhjetëra botimeve shkencore Myzafer Korkuti e drejtori Akademinë e Shkencave nga viti 2014 deri të hënën.<br /><br />Pas dorëheqjes së tij, një mbledhje e asamblesë e cilësuar si e jashtëzakonshme do të zhvillohet të hënën e 11 Shtatorit. Përveç pikës së njoftuar që ka të bëjë me ngritjen e komisionit të akademikëve për reformën institucionale, është po kjo asamble që vendose nëse do të ketë zgjedhje për vendin e zëvendës-kryetarit, të lënë bosh nga Korkuti. Tv Klan
