stop.tvklan.al Nje emision satiro-investigativ nga Saimir Kodra & Gentian Zenelaj. E hene - E premte ora 20:05 @ Tvklan & KlanHD; Safet Spahiu, banues në Kamëz, denoncon në emisionin ?STOP? se prej 4 ditësh ka parë një granatë të pashpërthyer në oborrin e shtëpisë. Pasi njoftoi instancat, një patrullë policie u vendos në ruajtje të granatës, por askush nuk erdhi për të bërë shpërthimin e kontrolluar. Pas alarmit të emisionit ?STOP?, forcat xheniere shkuan në shtëpinë e Safetit brenda 4 orësh dhe përfunduan ç?aktivizimin.<br /><br />?Granata, siç po e shihni vetë, ka 4 ditë që është në oborrin e shtëpisë time. Kam njoftuar institucionet e policisë shtetërore, Drejtorinë e Përgjithshme të Policisë, Komisariatin numër 5. Ka ardhur vetëm patrulla e komisariatit që po bën rojen e granatës që mos të shpërthejë. I jam drejtuar me qindra mijëra herë me telefonata që të vijnë ta marrin e ta heqin nga shtëpia ime këtë granatë vdekjeprurëse dhe nuk kam asnjë reagim. Më thonë: ?Prisni kur të vijnë xhenierët e ushtrisë?. Unë po jetoj, kam kalamajtë këtu, po jetoj me frikë dhe me tmerr. Ata mesa shoh unë po presin që të plasë dhe të vijnë të na marrin kufomat.?<br /><br />Safet Spahiu tregon se granata u zbulua nga i biri, i cili kishte shkuar për të marrë rrush. Ai lajmëroi familjarët për ?bombën? dhe direkt u njoftua policia. Ata janë larguar nga shtëpia dhe po flenë tek i vëllai, pasi kanë frikë se mos granata shpërthen. Denoncuesi thotë se nuk ka hasmëri ose konflikt me askënd.<br /><br />?Prandaj kërkova ?STOP -in?, emisionin tuaj, që është zgjidhja e vetme e popullit shqiptar!?<br /><br />Gazetarja e emisionit ?STOP? komunikon me një punonjës policie, që qëndron roje te granata.<br /><br />Gazetarja: Tani, ideja është këtu, o shefi. Zotëria deklaron, se ka prej katër ditësh?, ka katër ditë që ka pritur.<br /><br />Polici: Ne nuk jemi personat që marim deklarimet. Ne qëndrojmë këtu, ruajmë granatën. Ne ruajmë vendngjarjen, mos të kemi ndonjë problem. Këtë punë kemi ne të dy.<br /><br />Gazetarja: Ju ruani, po ja në një moment shpërtheu?<br /><br />Polici: Nuk shpërthen. Ne për këtë punë rrimë këtu.<br /><br />Gazetarja: Roje nuk është zgjidhje. Mendoj, që? instancat e tjera janë njoftuar?<br /><br />Polici: Po, Po! Janë bërë të gjitha me dokumentacione. Ça thua ti?! Po nuk pati ndërhyrje fizike, ajo nuk plas.<br /><br />Gazetarja: Po ja kaloi, larg o zot macja, që?, Ju e keni rrethuar me skenë krimi, me shirita të verdhë. Kaloi macja aty, një lëvizje e vogël shpërtheu? Është një familje e tërë?<br /><br />Polici: Po, prandaj rrimë ne këtu. Prandaj rri patrulla non stop.<br /><br />Gazetarja: Ti rri patrullë, por, kur të plasi, kur të ikin 5 vetë?<br /><br />Polici: Ikim dhe ne!<br /><br />Emisioni ?STOP? lajmëroi forcat xheniere për të bërë çmontimin e granatës, të cilët mbërritën në vendngjarje 4 orë më pas.<br /><br />Një punonjës i forcave xheniere, i pyetur nga gazetarja se përse nuk janë paraqitur, pasi kjo granatë ndodhet prej 4 ditësh aty, thotë se ata janë lajmëruar vetëm gjysmë ore më parë.<br /><br />Ata përfunduan shpërthimin e kontrolluar dhe tanimë familja Spahiu mund të jetojë e qetë në shtëpinë e tyre.<br /><br />...
