comme mon moviemaker rejette les caracteres gamma et epsilon je les ai remplaces par gh et o respectivement' <br /><br />DDA MATOUB SOUSTITRE: IDURAR D LLΣEMR-IW <br />Matoub Lounes 1989) <br /><br />LLΣEMR-IW <br />......... <br />Xas yeǧa ljehd iγallen-iw <br />Mazal ṣṣut-iw ad yebbeɛzeq, <br />A' s-dd-slen. <br />Nnan yeqqers-dd udrar, <br />Kečin ur teḥḍireḍ ara; <br />Bnadem i bnadem yeqqar <br />D amenzu n Yennayer assa! <br />Teǧujeg tmurt amm lefnar, <br />Di Tizi terṣa rreḥba, <br />Di Bgayet yetterḍeq uɛbaṛ, <br />Rẓan azeglu n tlufa. <br />A lɛemr-iw! A lɛemr-iw! <br />D idurar ay d lɛemr-iw. <br />Annaγ mennaγ w' iḥeḍren <br />Xerṣum ad ẓẓgeγ awal, <br />Lemḥayen nn' i’dd-i-yuγen <br />Uγalent-iy d raṣelmal, <br />Imi Leqbayel dduklen, <br />Yir leɛyub a ten-sefḍen <br />Ulayγer tuγzi n wawal. <br />Tamaziγt d lsas-nsen, <br />D aẓar n tudert-nsen, <br />D lweqt ad ferzen lecγwal. <br />Xas yečeḥ wul-iw meɛḍur <br />Gar-awen im' ur ḥḍireγ ara, <br />Aṭas yeɛebba yečuṛ <br />Ẓẓay, ur yezemer ara, <br />Ibγ' ad as-dd-slen leɛṛuṛ, <br />Widen a ičen ahicuṛ <br />M' akka tizdag nneɛma, <br />Win s-yennan awḥid meḥqur <br />Ad yeas ad yezegged lehḍur <br />M' akk' a-γ-dd-yeberz ṣṣeḥḥa. <br />Yir lehḍur seffḍen ddnub, <br />I’ dd-nnan imezwura, <br />Ulayγer teṭṭfeḍ addud <br />I wayen ur nesɛi lmeɛna, <br />Ad yuγal ad iḥlu ufud, <br />Ad tsellem i ugrud <br />Ad yettγenni f timmuzγa: <br />Ayen i γ-dd-iǧa Dda Lmulud <br />Iban-dd amm rrɛud, <br />Wiss ma tḥusseḍ a lfahem i tmeqwa!?
