3 rrjete prostitucioni virtuale janë zbuluar në Tiranë brenda një viti nga Policia.<br /><br />Bëhet fjalë për grupe të cilat rekrutojnë vajza të reja, me premtimin se do të fitojnë më shumë se 1 mijë euro në muaj, ndërkohë që më pas i detyrojnë që të bëjnë prostitucion nëpërmjet internetit, me persona nga jashtë Shqipërisë.<br /><br />Deri më tani këto rrjete prostitucioni janë zbuluar në 3 zona të ndryshme në kryeqytet.<br /><br />Policia e Tiranës thotë se zona e Qytetit Studentit është përdorur prej vitit 2015 nga një rrjet prostitucioni, ku punonin më shumë se 10 vajza dhe pagesa për to shkonte deri në 2 milion lekë të vjetra në muaj.<br /><br />Po kështu edhe në zonën e Komunës së Parisit është zbuluar një tjetër grup, i cili i detyronte vajzat të ushtronin prostitucion nëpërmjet internetit. Në këtë rast përdorej një apartament i thjeshtë, ndërkohë që vajzave që kërkonin të largoheshin, u bëhej presion me videot që ato kishin biseduar me klientët.
