Varun Tej's Toli Prema First look released. Mega Prince Varun Tej’s new film under the popular production house of Sri Venkateswara Cine Chitra has been titled as Tholiprema. <br /> <br />మెగా ప్రిన్స్ వరుణ్ తేజ్ హీరోగా ప్ర‌ముఖ నిర్మాణ సంస్థ శ్రీ వెంక‌టేశ్వ‌ర సినీ చిత్ర ఎల్ఎల్‌పి ప‌తాకంపై నిర్మిత‌మ‌వుతున్న చిత్రం తొలి ప్రేమ. తాజాగా ఫస్ట్ లుక్ పోస్టర్ రిలీజ్ చేశారు. ఈ సినిమా పోస్టర్, ఇందులో వరుణ్ తేజ్ లుక్ చూసిన అభిమానులు..... వరుణ్ తేజ్ తన బాబాయ్ పవన్ కళ్యాణ్‌ను గుర్తు చేస్తున్నాడని అంటున్నారు. పవన్ కళ్యాణ్ హీరోగా 1998లో 'తొలిప్రేమ' పేరుతో ఓ సినిమా వచ్చింది. అప్పట్లో ఆ చిత్రం సంచలన విజయం సాధించింది. పవన్ కళ్యాణ్ కెరీర్లో ది బెస్ట్ చిత్రాల్లో ఈ చిత్రం ఒకటి. ఇపుడు అదే టైటిల్‌తో వరుణ్ తేజ్ హీరోగా మరో సినిమా వస్తోంది. <br />ఈ చిత్రం ద్వారా వెంకీ అట్లూరి ద‌ర్శ‌కుడిగా పరిచయం అవుతున్నారు. రాశి ఖ‌న్నా హీరోయిన్‌. ఈ చిత్రం ఫస్ట్ లుక్ పోస్టర్ అభిమానుల్లో ఆసక్తి రేపుతోంది. పవన్ కళ్యాణ్ మూవీకి, ఈ సినిమాకు ఎలాంటి సంబంధం లేక పోయినా..... అదే స్థాయిలో ఈ చిత్రం హిట్ అవుతుందని భావిస్తున్నారు. <br />డిసెంబ‌ర్లో షూటింగ్ పూర్తి చేసుకోనున్న ఈచిత్రం జ‌న‌వ‌రిలో పోస్ట్ ప్రొడ‌క్ష‌న్ కార్య‌క్ర‌మాల‌ను పూర్తి చేసి ఫిబ్ర‌వరి 9న విడుద‌ల చేసేందుకు ప్లాన్ చేస్తున్నారు. <br />‘తొలి ప్రేమ' టైటిల్ అంటేనే తెలుగు సినిమా అభిమానుల్లో, ముఖ్యంగా మెగా అభిమానుల్లో ఏదో తెలియని క్రేజ్ ఉంది. ఇపుడు ఇదే టైటిల్‌తో మెగా ఫ్యామిలీ హీరో నుండి మరో సినిమా వస్తుండటంతో అంచనాలు మరింత పెరిగాయి.
