Jana Sena party chief Pawan Kalyan on Friday said that he is quitting from films. <br /> <br />తాను సినిమాలను వదిలేస్తున్నానని జనసేన పార్టీ అధ్యక్షులు పవన్ కళ్యాణ్ శుక్రవారం సంచలన ప్రకటన చేశారు. మధ్యలో కుదిరితే సినిమాలు చేస్తానని చెప్పారు. కానీ ఆయన తాజాగా సినిమాలకు పూర్తిగా దూరంగా ఉండేందుకు నిర్ణయించుకున్నట్లుగా కనిపిస్తోంది. <br />మంగళగిరిలో పార్టీ కార్యాలయం కోసం స్థలాన్ని పరిశీలించారు. ఈ సందర్భంగా మాట్లాడారు. తాను ఇలా వచ్చి అలా వెళ్తున్నానని కొందరు విమర్శలు చేస్తున్నారని చెప్పారు. తనకు పార్టీ కార్యాలయం దేవాలయం వంటిది అని చెప్పారు. వైసీపీ నాయకులు రోజా తదితరులు ఆయనను ఇదే విషయమై పదేపదే ప్రశ్నిస్తోన్న విషయం తెలిసిందే. <br />ముఖ్యమంత్రిని అయితే ఓరకంగా, ప్రతిపక్షంలో ఉన్నప్పుడు తాను మరో రకంగా ఉండనని పవన్ కళ్యాణ్ చెప్పారు. తాను ఎప్పుడూ ఓకేలా ఉంటానని చెప్పారు. తాను సీఎంను అయితే సమస్యలను పరిష్కరిస్తానని వైసీపీ అధినేత జగన్ చెబుతున్న విషయం తెలిసిందే. <br />పవన్ కళ్యాణ్‌ను చూసేందుకు పెద్ద ఎత్తున అభిమానులు, కార్యకర్తలు, ప్రజలు తరలి వచ్చారు. వారు పవన్.. పవన్ అంటూ నినాదాలు చేశారు. దీంతో పవన్ స్పందిస్తూ.. మీ ఉత్సాహం ఓట్ల రూపంలో చూపించాలని వారికి సూచించారు.
