There is an interesting discussion going on about Prabhas next project after Saaho movie. Prabhas said to have given his nod to Tamil director Atlee Kumar as per the update. <br /> <br /> <br />సాధారణంగా ఒక రీజినల్ హీరోను మిగతా రాష్ట్రాల్లో అంతగా పట్టించుకోరు. కొంతమంది హీరోల ముఖం కూడా అక్కడ గుర్తుపట్టరంటే అతిశయోక్తి కాదు. కానీ బాహుబలి పుణ్యమాని ప్రభాస్ రీజినల్ స్టార్ నుంచి అందరూ గుర్తుపట్టే ఫిగర్‌గా మారిపోయారు. <br />ఇప్పుడు పక్క ఇండస్ట్రీ దర్శకులు కూడా ఆయనతో సినిమా చేయడానికి ఆసక్తి కనబరుస్తున్నారు. ఈ నేపథ్యంలోనే ప్రముఖ కోలీవుడ్ డైరెక్టర్ ఒకరు ప్రభాస్‌తో సినిమా పట్టాలెక్కించడానికి గట్టిగానే ప్రయత్నిస్తున్నారట. ఇంతకీ ఎవరా డైరెక్టర్?... <br />మెడికల్ బ్యాక్ డ్రాప్ నేపథ్యంలో ఈ ఏడాది విడుదలైన మెర్సల్ చిత్ర దర్శకుడు అట్లీ..సామాజికంగాను.. రాజకీయంగాను ఈ సినిమా పెద్ద చర్చనే లేవనెత్తింది. అంతకుమించి వివాదంగానూ మారింది. చివరికి బాక్స్ ఆఫీస్ వద్ద మాత్రం బంపర్ హిట్ సొంతం చేసుకుంది. ఆ సినిమాను తెరకెక్కించిన దర్శకుడు అట్లీ.. ఇప్పుడు ప్రభాస్‌తో సినిమా చేయడానికి ఆసక్తి కనబరుస్తున్నారట. <br />మెర్సల్ చిత్ర సమయంలోనే దర్శకుడు అట్లీ ప్రభాస్ ను సంప్రదించి.. కథకు సంబంధించిన ఒక లైన్ చెప్పినట్లు ఊహాగానాలు వినిపిస్తున్నాయి. అయితే అప్పట్లో ప్రభాస్ బాహుబలి-2 సినిమాతో, అట్లీ మెర్సల్ సినిమాతో బిజీగా ఉండటం వల్ల.. దీనిపై చర్చలు కొలిక్కి రాలేదట.
