The PSV Garuda Vega final collections dissapointed rajasekhar, opening collections are also very good but Due to the budget involved i.e 30 crores, atlast the film become a costly failure. <br /> <br />బడ్జెట్ లెక్కలు బోల్తా కొట్టడం సినీ ఇండస్ట్రీలో చాలా కామన్. కథ చెప్పేటప్పుడు చెప్పే బడ్జెట్ అంచనా వేరు.. తీరా సెట్స్ పైకి వెళ్లాక అయ్యే బడ్జెట్ వేరు. మొత్తంగా సినిమా పూర్తయ్యేటప్పటికీ నిర్మాతకు ఖర్చుల భారం తడిసిమోపడవుతుంది. సదరు హీరోకు అంత మార్కెట్ ఉంటే పెద్దగా బాధపడాల్సిందేమి లేదు కానీ.. మార్కెట్కు మించి ఖర్చు చేస్తే మాత్రం నిర్మాత తలపట్టుకోవడం ఖాయం. ఇలా కాస్ట్ ఫెయిల్యూర్ గా మిగిలిపోయిన సినిమాల్లో రాజశేఖర్ 'పీఎస్వీ గరుడవేగ' కూడా చేరిపోయినట్లే కనిపిస్తోంది. <br />గతేడాది నవంబర్ 3న విడుదలైన 'పీఎస్వీ గరుడవేగ'కు అన్ని వర్గాల నుంచి మంచి టాక్ వచ్చింది. దీంతో చాన్నాళ్ల తర్వాత రాజశేఖర్ ఖాతాలో హిట్ సినిమా పడిందనుకున్నారు. దానికి తగ్గట్లే తొలిరోజుల్లో మంచి కలెక్షన్స్ వచ్చాయి. కానీ లాంగ్ రన్లో మాత్రం సినిమాకు ఆశించిన స్థాయి వసూళ్లు దక్కలేదు. <br />సినిమా క్లోజింగ్ రిపోర్ట్స్ చూస్తే గరుడవేగ కలెక్షన్ల పరంగా ఫ్లాప్ అయినట్లే అని ట్రేడ్ పండితులు చెబుతున్నారు. ఇప్పటిదాకా కలెక్ట్ చేసినదాన్ని పరిగణలోకి తీసుకుంటే.. ఇంకా 32శాతం రికవరీ బాకీ పడిపోయిందట. అంటే 68శాతం రికవరీ మాత్రమే దక్కింది. <br />ఇక సినిమా రైట్స్ అమ్మకం ద్వారా రూ.11కోట్లు, షేర్స్ ద్వారా రూ.7.5కోట్ల వరకు గరుడవేగ రాబట్టిందట. అయితే ఈస్ట్ వెస్ట్ కృష్ణా గుంటూరు లాంటి ఏరియాల్లో కనీసం 50లక్షల షేర్ కూడా రాబట్టలేదట. <br />సినిమా హిట్ టాక్ తెచ్చుకున్నప్పటికీ.. మల్టీప్లెక్స్ ఆడియెన్స్కే ఎక్కువ కనెక్ట్ అయిందన్న అభిప్రాయాలు వ్యక్తమవుతున్నాయి. బి,సీ సెంటర్లలో రెగ్యులర్ మాస్ ఆడియెన్స్ కు ఈ సినిమాపై అంతగా ఆసక్తి కనబరచలేదని అంటున్నారు.
