ఎవరూ టచ్ చేయని పాయింట్ తో బి.జయ !

Female Director B Jaya in her Birthday Special EXCLUSIVE Interview said that her previous movie Vaisakham has given her satisfaction and is now coming up with an upcoming movie titled Lucky Fellow. <br /> <br />జర్నలిస్ట్‌గా కెరీర్‌ను ప్రారంభించి రచయిత్రిగా, పత్రిక జనరల్‌ మేనేజర్‌గా మంచి పేరు ప్రఖ్యాతులు సంపాదించుకున్న జయ.బి, సినిమాల మీద మక్కువతో 'చంటిగాడు' చిత్రంతో దర్శకురాలిగా మారి 'గుండమ్మగారి మనవడు', 'లవ్‌లీ' 'వైశాఖం' లాంటి ఫీల్‌గుడ్‌ మూవీస్‌ని ప్రేక్షకులకు అందించారు. దర్శకురాలిగా తనకంటూ ఓ స్పెషల్‌ ఇమేజ్‌ సంపాదించుకున్నారు డైనమిక్‌ లేడీ డైరెక్టర్‌ జయ బి. 'వైశాఖం' చిత్రంతో ప్రేక్షకుల ప్రశంసలతో పాటు సిల్వర్‌ క్రౌన్‌ అవార్డ్‌ పొందిన జయ.. నేడు పుట్టినరోజు జరుపుకుంటున్నారు. ఈ సందర్భంగా ఓ ప్రెస్‌మీట్‌ లో ఆమె మాట్లాడారు. <br />''వైశాఖం' చిత్రం పూర్తిగా నాకు సంతృప్తిని కలిగించింది. ప్రేక్షకులు మా చిత్రాన్ని ఆదరించి పెద్ద హిట్‌ చేశారు. చాలామంది 'సినిమా చాలా బాగుంది.. మంచి సినిమా తీశారు' అని అప్రిషియేట్‌ చేశారు. తర్వాత మా ఆర్‌.జె. సినిమాస్‌ బేనర్‌లో 'లక్కీఫెలో' చిత్రాన్ని రూపొందిస్తున్నాం. జూన్‌లో సినిమా స్టార్ట్‌ చేసి మూడు నాలుగు నెలల్లో షూటింగ్‌ కంప్లీట్‌ చేస్తాం. <br />ప్రస్తుతం స్క్రిప్ట్‌ వర్క్‌ జరుగుతోంది. ఓ యంగ్‌ హీరో ఈ చిత్రంలో నటిస్తున్నారు. ఆ హీరో ఎవరనేది త్వరలోనే ఎనౌన్స్‌ చేస్తాం. అని అన్నారు. <br />'వైశాఖం' మేము ఎంత ఎక్స్‌పెక్ట్‌ చేశామో అంత కమర్షియల్‌గా సక్సెస్‌ అయ్యింది. సక్సెస్‌తో పాటు మంచి అప్రిషియేషన్స్‌ లభించాయి. 'లక్కీఫెలో' సినిమా 'లవ్‌లీ' కంటే చాలా పెద్ద హిట్‌ అవుతుంది. <br />కమర్షియల్‌ ఎలిమెంట్స్‌ అన్నీ ఈ చిత్రంలో వున్నాయి. టైటిల్‌ చాలా బాగుందని చాలామంది అంటున్నారు. వైవిధ్యభరితమైన మంచి సినిమాలు ఇంకా ఎన్నో తీసి ప్రేక్షకులను మెస్మరైజ్‌ చెయ్యాలని వుంది. అలాగే జయ మార్క్‌ ఫిలిం చెయ్యాలని వుంది. దాని తర్వాత జనంలోకి వెళ్ళి జనంతో మమేకమై సేవ చెయ్యాలని వుంది అని జయ అన్నారు. <br />