Pakistani actress Saba Qamar who acted in the film “Hindi Medium” narrated humiliation she faces at the international airports for being “Pakistani”. <br /> <br />కేవలం ముస్లిం అన్న కారణంగా నిత్యం అనుమానపు చూపుల్ని ఎదుర్కోవాల్సి రావడం నిజంగా దురదృష్టకరం. ఇక పాకిస్తాన్ ముస్లింల పరిస్థితి మరింత దయనీయం. ప్రపంచంలో ఏ మూలకు వెళ్లినా.. తమను అనుమానాస్పదంగా చూడటం వాళ్లు జీర్ణించుకోలేని విషయం. పాక్ పై ఉగ్రవాద ఆరోపణలు పాలకులకు సంబంధించిన విషయమే అయినా.. సామాన్యులకు మాత్రం నిందలు తప్పడం లేదు. ఇలాంటి చేదు అనుభవాన్ని తాను కూడా ఎదుర్కోవాల్సి వచ్చిందని నటి సబా కమర్ ఓ ఇంటర్వ్యూలో వెల్లడించారు. <br />బాలీవుడ్ నటుడు ఇర్ఫాన్ ఖాన్తో కలిసి గతేడాది 'హిందీ మీడియం' సినిమాలో నటించారు సబా కమర్. ఈ సినిమా షూటింగ్ కోసం జార్జియాలోని తబ్లిసికి వెళ్లినప్పుడు అక్కడి అధికారులు తన పట్ల వ్యవహరించిన తీరుకు తాను నిర్ఘాంతపోయినట్లు సబా కమర్ తెలిపారు. <br />'చిత్రయూనిట్ మొత్తం ఎయిర్ పోర్ట్ నుంచి వెళ్లిపోయింది. నన్ను మాత్రం అధికారులు అదుపులోకి తీసుకుని ప్రశ్నించారు. పూర్తిగా తనిఖీలు చేశాకే అక్కడినుంచి పంపించారు. <br />'కేవలం పాకిస్తానీ అన్న కారణంతోనే అక్కడి అధికారులు నన్ను ఇంతలా అవమానించారు. బయట మనకు ఇలాంటి పరిస్థితులు ఉన్నాయా? అన్న విషయం ఆరోజే నాకు అర్థమైంది' అని చెబుతూ సబా కమర్ కన్నీటి పర్యంతమయ్యారు.
