A CI thrashed for extramarital affair with lady ASP at kukatpally in Hyderabad. <br /> <br />ఇద్దరు పోలీసు అధికారుల మధ్య ఉన్న వివాహేతర బంధం బట్టబయలైంది. ఈ ఘటన నగరంలోని కేపీహెచ్‌బీ కాలనీలో కలకలం సృష్టించింది. తన భార్యతో కల్వకుర్తి సీఐ అక్రమ సంబంధం పెట్టుకున్నాడని ఆరోపిస్తూ.. అవినీతి వ్యతిరేక విభాగంలో ఏఎస్పీగా పనిచేస్తున్న అధికారిణి భర్త, తన బంధువులతో కలిసి అతనిపై దాడికి పాల్పడ్డాడు. <br />ఓ ఇంట్లో తన భార్యను, సీఐని రెడ్ హ్యాండెడ్‌గా పట్టుకున్న ఆయన.. నడిరోడ్డుపై సీఐని చితక్కొట్టాడు. ఏఎస్పీ తల్లి, అత్త.. ఆ సీఐని చెప్పులతో కొట్టారు. <br />ఈ విషయంపై సమాచారం అందుకున్న ఉన్నతాధికారులు ఏఎస్పీ, సీఐల వైఖరిపై సీరియస్‌గా ఉన్నట్లు తెలుస్తోంది. తన భార్యను సీఐ ట్రాప్ చేశాడని, గత రెండేళ్లుగా వారి మధ్య సంబంధం ఉందని ఏఎస్పీ భర్త ఆరోపించాడు. <br />తాను ఆత్మహత్య చేసుకోవాలని అనుకున్నానని, అయితే తన భార్య బాగోతం బయటపెట్టాలనే ఉద్దేశంతోనే వారిని పట్టుకున్నానని ఆయన తెలిపారు. వీరిద్దరిపై ఉన్నతాధికారులు చర్యలు తీసుకోవాలని డిమాండ్ చేశారు. <br />ఆ సీఐ ఎంతో మంది జీవితాలను నాశనం చేశాడని, అతడ్ని కఠినంగా శిక్షించాలని మహిళా ఏఎస్పీ తల్లి, అత్త కోరారు. తమ కూతురు జీవితాన్ని నాశనం చేశాడని ఏఎస్పీ తల్లి కన్నీటిపర్యంతమైంది. <br />
