దాంతో పోలిస్తే ‘పోకిరి’ పెద్ద ప్లాప్... పూరీ పై వర్మ కామెంట్..!

"I just saw parts of purijagan ‘s Mehbooba and I strongly feel Mahesh‘s Pokiri is a flop in comparison ..Could be because of his love for his son that he made this film so special." Puri Jagannadh tweeted. <br /> <br />మహేష్ బాబు కెరీర్లో 'పోకిరి' సినిమా అప్పట్లో ఎంత పెద్ద హిట్ అయిందో ప్రత్యేకంగా చెప్పక్కర్లేదు. పూరి జగన్నాధ్ దర్శకత్వం వహించిన ఈ చిత్రం ఆరోజుల్లో అన్ని రికార్డులను బద్దలు కొట్టి ఇండస్ట్రీ హిట్‌గా నిలిచింది. ఇపుడు 'పోకిరి' సినిమా ప్రస్తావనతో వివాదాస్పద దర్శకుడు రామ్ గోపాల్ వర్మ చేసిన ఓ ట్వీట్ హాట్ టాపిక్ అయింది. <br />ప్రస్తుతం పూరి జగన్నాథ్ తన కుమారుడు ఆకాష్ పూరి హీరోగా ‘మెహబూబా' చిత్రం తెరకెక్కిస్తున్న సంగతి తెలిసిందే. ఈ సినిమాలోని కొన్ని సీన్లను రామ్ గోపాల్ వర్మ ఇటీవల చూశారట. ఆ సీన్లు చూసిన వెంటనే ట్విట్టర్ ద్వారా స్పందించారు. <br />‘మెహబూబా' సినిమాలోని కొన్ని సన్నివేశాలను చూశాను. ఈ చిత్రంతో పోలిస్తే పూరీ తెరకెక్కించిన ‘పోకిరి' సినిమా పెద్ద ఫ్లాప్. బహుశా హీరో తన కుమారుడే కాబట్టి పూరీ ‘మెహబూబా' సినిమాను ఇంత బాగా తీశారేమో. ఈ సినిమా చాలా బాగుంది' అని ట్వీట్‌ చేశారు. <br />రామ్ గోపాల్ వర్మ ట్వీటుకు వెంటనే పూరి రిప్లై ఇచ్చారు. ‘మొదటి సారి నా బాస్‌ నన్ను ఓ మంచి దర్శకుడిగా గుర్తించారు. నా జీవితంలో నేను అందుకున్న గొప్ప ప్రశంస ఇదే. లవ్ యూ సర్‌' అని ట్వీట్‌ చేశారు. <br />ఒక సినిమాను గొప్పగా పొగడటానికి మరో సినిమాను కించ పరచడం ఏమిటి అంటూ మహేష్ బాబు అభిమానులు వర్మపై మండి పడుతున్నారు. ‘పోకిరి' సినిమా తెలుగు సినిమా హిస్టరీలో ఎప్పటికీ గుర్తుండి పోయే చిత్రమని, ఈ సినిమా గురించి ఇలాంటి కామెంట్స్ చేయడం తగదని అంటున్నారు. <br />