An unidentified guy thrown a chappal at Janasena Party president Pawan Kalyan's car in Khammam tour. <br /> <br />జనసేన అధినేత పవన్ కళ్యాణ్‌ ఖమ్మం పర్యటనలో ఓ చెప్పు కలకలం సృష్టించింది. ఓ గుర్తు తెలియని వ్యక్తి చెప్పు విసరడంతో అది పవన్ కారు బ్యానెట్‌పై పడింది. ఓపెన్‌టాప్ కారులో అభిమానులకు అభివాదం చేసుకుంటూ ర్యాలీ నిర్వహిస్తున్నారు. <br />ఆయన వాహనం తల్లాడ సెంటర్‌కు చేరుకోగానే అభిమానులు, కార్యకర్తలు భారీగా గుమిగూడారు. ఆ జన సమూహంలోంచి ఓ వ్యక్తి చెప్పు విసిరాడు. అయితే అది కారు బ్యానెట్‌పై పడడంతో అభిమానులు, కార్యకర్తలు ఊపిరి పీల్చుకున్నారు. ఇదేమీ లెక్కచేయకుండా పవన్ తన ర్యాలీని కొనసాగించారు. <br />ఈ ఘటన అనంతరం ఖమ్మంలో ఎంబీ గార్డెన్స్‌లో ఉమ్మడి ఖమ్మం, వరంగల్‌, నల్గొండ జిల్లాల కార్యకర్తలతో పవన్ సమావేశమయ్యారు. ఆ సమావేశంలో పవన్ కార్యకర్తలు, నేతలనుద్దేశించి మాట్లాడారు. ‘నాపై దాడులు చేసినా ఎదురుదాడి చేయను. ప్రజల కోసం ఏమైనా భరిస్తా. మహనీయుల ఆశయాల కోసం బాధ్యతాయుత రాజకీయాలు చేయాలి' అని పవన్ చెప్పారు. <br />‘సమస్యలపై అధికారపక్షాలను నిలదీయడమంటే తిట్టడం కాదు.. నా జీవితం జనసేన కార్యకర్తలకు అంకితం. నేను పదవులు కాదు.. సామాజిక మార్పు కోరుకుంటున్నా. ప్రేమించేవాళ్లకు తప్ప.. ద్వేషించేవాళ్లకు సమయం ఇవ్వను' అని పవన్ పునరుద్ఘాటించారు. <br />
