In a recent interview, Manjula had confessed that she wants to direct Powerstar Pawan Kalyan. <br /> <br />పవర్ స్టార్ పవన్ కళ్యాణ్ సినిమాలను దాదాపుగా వదిలేశారు. పూర్తిస్థాయిలో రాజకీయాల్లో బిజీ అయ్యారు. 2019 ఎన్నికల వరకు ఆయన సినిమాల వైపు చూసే అవకాశం లేదు. ఆ తర్వాత కూడా డౌటే... ఎందుకంటే అపుడు పరిస్థితి ఎలా ఉంటుందో చెప్పడం కష్టం. పవన్ కళ్యాణ్ సినిమాలను వదిలేసిన తర్వాత మహేష్ బాబు సోదరి మంజుల ఓ సంచలన ప్రకటన చేశారు. <br />పవర్ స్టార్ పవన్ కళ్యాణ్ కోసం తాను ఒక కథ రాసుకున్నాను అని, ఈ చిత్రానికి ‘పవన్' అనే టైటిల్ కూడా పెట్టుకున్నట్లు మంజుల తెలిపారు. మంజుల ఈ ప్రకటన చేయడంతో అందరిలోనూ ఆశ్చర్యం నెలకొంది. పవన్ కళ్యాణ్ కోసం కథ రాస్తున్నాను అని గతంలో చెప్పారు.... దాని సంగతి ఏమైంది? అనే ప్రశ్నకు మంజుల ఈ విధంగా స్పందించారు. <br />మా నాన్నగారు, నా సోదరుడు మహేష్ తర్వాత నేను మెచ్చిన వ్యక్తి పవన్ కళ్యాణ్ అని, మనసు ఏది చెబుతుందో అదే చేస్తారు, నిజాయతీ కలిగిన వ్యక్తి అంటూ మంజుల కొనియాడారు. తన తాజా మూవీ ‘మనసుకు నచ్చింది' ప్రమోషన్లో మంజుల ఈ కామెంట్స్ చేశారు. <br />నేను రాసుకున్న కథ పవన్ కళ్యాణ్ ఒక్కసాకరి వింటే చాలు, ఆయనకు ఈ కథ తప్పకుండా నచ్చుతుంది. ఆయన ఈ కథను కాదనలేరు. అంతగొప్పగా ఉంటుంది అంటూ మంజుల మీడియా ముఖంగా ప్రకటన చేశారు. <br />పవన్ కళ్యాణ్ సినిమాలు చేయరని నాకు తెలుసు. కానీ, ఈ ఒక సినిమా చేసి ఆయన రాజకీయాల్లోకి వెళ్లొచ్చు. కథ వినమని ఆయనకు చెప్పండి అంటూ...మీడియా ప్రతినిధులు ఉద్దేశించి మంజుల వ్యాఖ్యానించారు. <br />
