Varun Tej spoke about Pawan Kalyan in his latest interview. Varun Tej made Comments on Pawan Kalyan Full Time in Politics and Leaving Movies <br /> <br />ఫిదా గ్రాండ్ సక్సెస్ తర్వాత తొలిప్రేమ చిత్రంతో మరో భారీ హిట్‌ను సొంతం చేసుకొన్నాడు మెగా హీరో వరుణ్ తేజ్. ఈ చిత్ర ప్రమోషన్‌లో భాగంగా వరుణ్ తేజ్ ఇటీవల మీడియాతో ముచ్చటించారు. ఈ సందర్భంగా పవన్ కల్యాణ్ రాజకీయ ప్రవేశంపై వరుణ్ తేజ్ స్పందించారు. పవన్ కల్యాణ్ సినీ పరిశ్రమను వదిలి రాజకీయాల్లోకి వెళ్లడం సబబే అని ఆయన అన్నారు. వరుణ్ తేజ్ వెల్లడించిన విషయాలు ఆయన మాటల్లోనే.. <br />బాబాయ్ పవన్ కల్యాణ్ సినిమాలు చూసి పెరిగాం. ఆయన నటించిన చిత్రాలు మొదటి రోజు ఫస్ట్ షో చూడటం అంటే మాకు చాలా ఇష్టం. పవన్ కల్యాణ్ సినిమా చూసి థియేటర్లలో విజిల్స్ వేసి ఎంజాయ్ చేసే వాళ్లం. <br />పవన్ కల్యాణ్ రాజకీయాల్లోకి వెళ్లడం మంచిదే. పేదవారికి మేలు చేయాలనే లక్ష్యంతో రాజకీయాల్లోకి వెళ్తున్నారు. ఆయన అనుకొన్నది సాధించడానికి మేమంత సహకారం అందిస్తాం. <br />పవన్ కల్యాణ్ రాజకీయాల్లోకి రావడం ద్వారా ఎంతో మందికి న్యాయం చేకూరుతుందనే నమ్మకం ఉంది. బడుగు వర్గాలు ఆయన రాకను స్వాగతిస్తున్నాయి. ప్రజలకు మంచి చేయడం కోసం తన కెరీర్ వదులుకోవడం పవన్ కల్యాణ్ నిజాయితీ కి సాక్ష్యం. <br />పవన్ కల్యాణ్ సినిమాలను ఇష్టపడే వ్యక్తిగా ఆయన సినిమాలు లేకపోవడం అనేది బాధకరమే. అభిమానులకు కూడా నిరాశే. సినిమా పరిశ్రమకు దూరం కావడం అనేది పవన్ కల్యాణ్ వ్యక్తిగత నిర్ణయం. ఆ విషయంలో మేము జోక్యం చేసుకోలేం. ఆయనకు మంచి జరుగాలని కోరుకొంటున్నాను అని వరుణ్ తేజ్ అన్నారు. <br />
