Dhoni has brought all his experience into play, anticipating the batsman’s intentions and recognising his strengths and weaknesses to direct the bowlers to bowl a particular line and length. <br /> <br />ప్రపంచంలో అత్యుత్తమ వికెట్ కీపర్లలో మహేంద్ర సింగ్ ధోని ఒకడు. బ్యాట్స్‌మెన్‌ మైండ్‌ను చదవడంలో దిట్ట. వికెట్ల వెనక నుంచి బౌలర్లకు సలహాలు ఇస్తూ భారత జట్టుకు ఎన్నో విజయాలనందించాడు. <br />మూడు టీ20ల సిరిస్‌లో భాగంగా భారత్-దక్షిణాఫ్రికా జట్ల మధ్య తొలి టీ20 ఆదివారం జరిగిన సంగతి తెలిసిందే. ఈ మ్యాచ్‌లో పాండ్యాకు బౌలింగ్ ఎలా వేయాలో ధోని సూచనలు చేసిన వీడియో సోషల్ మీడియాలో వైరల్‌ అయింది. <br />ఈ మ్యాచ్‌లో టాస్ ఓడి తొలుత బ్యాటింగ్ చేసిన టీమిండియా నిర్ణీత 20 ఓవర్లలో 5 వికెట్లు కోల్పోయి 203 పరుగులు చేసింది. అనంతరం 204 పరుగుల విజయ లక్ష్యంతో బరిలోకి దిగిన సఫారీ జట్టు బ్యాటింగ్ చేస్తున్న సమయంలో హార్దిక్‌ పాండ్యా వేసిన ఏడో ఓవర్‌ తొలి బంతిని డేవిల్‌ మిల్లర్ ఎదుర్కొన్నాడు. <br />ఆ తర్వాత రెండో బంతిని ఎలా వేయాలో వికెట్ల వెనుక ఉన్న ధోనీ.. పాండ్యాకు సైగల ద్వారా చూపించాడు. ధోని ఎలా చెప్పాడో పాండ్యా ఆ బంతిని అలాగే వేశాడు. పాండ్యా బంతిని ఎదుర్కొన్న మిల్లర్ అమాంతం దానిని గాల్లోకి లేపాడు. అక్కడే ఫీల్డింగ్ చేస్తున్న ధావన్‌ క్యాచ్‌ అందుకున్నాడు. దీంతో మిల్లర్ పెవిలియన్‌కు చేరాడు. <br />ఈ వీడియోని చూసిన అభిమానులు ధోని ఏం చెప్పాడో పాండ్యా అలాగే బౌలింగ్ చేసి చూపించాడని మెచ్చుకుంటున్నారు. కాగా, మూడు టీ20 మ్యాచ్‌ల సిరీస్‌లో టీమిండియా 1-0 ఆధిక్యంలో నిలిచింది. ఇరు జట్ల మధ్య రెండో టీ20 సెంచూరియన్‌లోని సూపర్ స్పోర్ట్ పార్క్ వేదికగా బుధవారం జరగనుంది. <br />
