A new report has found that local men distributing food and other international aid in Syria have been withholding deliveries from women, unless they agree to give their needs. <br /> <br />ఐసిస్ కబంధహస్తాల నుండి ఇప్పుడిప్పుడే విముక్తి అవుతోన్న సిరియాలో మహిళలు తీవ్రమైన ఇబ్బందులు ఎదుర్కొంటున్నారని నివేదకలు వెల్లడిస్తున్నాయి. సహయక కేంద్రాల్లో సహయం పొందాలంటే మహిళలను తమ లైంగికవాంఛలు తీర్చుకొనేందుకు ఉపయోగించుకొనేవారని ఆ నివేదికలు వెల్లడిస్తున్నాయి. వాళ్ళ లైంగిక అవసరాలను తీర్చుకొన్న తర్వాతే సహయం కోసం వచ్చిన మహిళలకు సహయకేంద్రాల వద్ద సహయం అందేదని బాధిత మహిళలు మీడియా దృష్టికి తీసుకువచ్చారు. సిరియాలో ఇలాంటి అనైతిక కార్యకలాపాలు పెచ్చు మీరడంతో అంతర్జాతీయ సేవా సంస్థల ద్వారా ఉచితంగా అందే సహాయాన్ని తీసుకునేందుకు కూడా మహిళలు జంకుతున్నారు <br />ఇలాంటి ఆకృత్యాలు సాగుతున్నా కొన్ని స్వచ్ఛందసంస్థలు పట్టించుకోవడం లేదని ఓ ఉద్యోగి పేర్కొన్నాడు. సిరియాలో గవర్నర్ల పాలనలోని వివిధ ప్రాంతాల్లో మానవతా సహాయానికి ప్రతిగా లైంగికదోపిడి సాగుతున్నట్టుగా గతేడాది ఐరాస జనాభా నిధి (యూఎన్‌ఎఫ్‌పీఏ) చేసిన పరిశీలనలో తేలింది. <br />పురుషుల పరిరక్షణలోని మహిళలు, అమ్మాయిలతో పాటు భర్తను కోల్పోయిన, విడాకులు తీసుకున్న వారి పరిస్థితి మరింత అధ్వాన్నమని వాయిస్ ఫ్రం సిరియా సంస్థ ప్రకటించింది. జోర్డన్‌లోని ఓ శరణార్థుల శిబిరంలో సిరియా మహిళ బృందం ఇలాంటి లైంగికదాడులకు గురైనట్లు మూడేళ్ల క్రితం మొదటిసారి బయటపడింది. దారా, క్యునీత్ర తదితర ప్రాంతాల్లో జరిగిన ఘటనలపై తాను జరిపిన పరిశీలనల్లో ఇది యధార్థమేనని తేలిందని స్వచ్ఛంద సహాయ సలహాదారు డానియల్‌ స్పెన్సర్‌ తెలిపారు. <br />
