Subscribe në Ora News këtu http://bit.ly/1s5j7UT<br /><br />Një gomone e drejtuar nga dy shtetas italianë është kapur në brigjet e Dhërmiut. Operacioni është ndërmarrë gjatë natës nga Policia Kufitare e Vlorës në bashkëpunim me Guardia di Financën italiane. Burime nga policia e kufirit thanë për Ora News se dyshohet se dy italianët kanë shkuar në Dhërmi për trafikim lëndësh narkotike. Sipas informacioneve gomonia e kapur është 9 metra e gjatë me një motor 300 kuaj fuqi. Shërbimi Informativ Shtetëror po merr në pyetje dy shtetasit e huaj, për të zbuluar të tjerë elementë apo persona të përfshirë në trafikun e mundshëm të lëndëve narkotike. Shtetasit italianë, sipas burimeve në policinë kufitare, ndodheshin prej disa ditësh në Shqipëri.<br />Vlorë- Policia kufitare e Vlorës në bashkëpunim me Policinë Vendore Vlorë, Repartin Delta dhe Guardia di Finanza ndaluan mbrëmjen e së enjtes një gomone me dy shtetas italianë, me dyshimet për trafik droge.<br />Mjeti lundrues me një motor mërkuri 250 hp, 8 m e gjatë dhe 2 m e gjerë u konstatua rreth orës 22:02. Bllokimi i saj u bë në Gjirin e Gjipeut, rreth 0,5 milje larg bregut.<br />Në bordin e këtij mjeti lundrues ndodheshin dy shtetas italianë G.M 49 vjeç, dhe M.Ch 40 vjeç, të banues në Brindisi.<br />Policia thotë se gjatë kontrollit të ushtruar në këtë mjet lundrues nuk është konstatuar asnjë send apo material i kundraligjshëm.<br />Po sipas bluve, dy shtetasit italianë janë persona me precedent kriminal në drejtim të trafikimit të lëndëve narkotike në shtetin italian.<br /><br />Për më shumë lexoni në: http://www.oranews.tv/vendi/operacion-ne-dhermi-eshte-kapur-nje-gomone-me-2-italiane/
