లెజెండ్స్ ఎన్టీఆర్ & ఏఎన్నార్ ఆరోజుల్లో ధైర్యం చేసి హైదరాబాద్ రాబట్టే !

Nagarjuna shared a rare picture of NTR and ANR in twitter. He tweeted 'Pic from the past!!!the legends NTR & ANR That's the kbr park wall on the left and Annapurna studios on the right. <br /> <br />తెలుగు సినీ ఇండస్ట్రీకి ఎన్టీఆర్-ఏఎన్నార్ రెండు మూల స్తంభాల లాంటివారు. చాలాకాలం పాటు తెలుగు సినిమాలను ఈ ఇద్దరే ఏకఛత్రాధిపత్యంగా ఏలారు. అడపాదడపా ఇద్దరు కలిసి కొన్ని చిత్రాల్లోనూ నటించారు. అలా ఈ ఇద్దరూ కలిసి నటించిన ఓ చిత్రంలోని ఫోటోను నాగార్జున తాజాగా ట్విట్టర్ లో షేర్ చేశారు. <br />'గతానికి సంబంధించి ఇదో బ్లాస్ట్!! లెజెండ్స్ ఎన్టీఆర్&ఏఎన్నార్.. ఆ ఎడమ పక్కన ఉన్నది కేబీఆర్ పార్క్ గోడ, కుడివైపున అన్నపూర్ణ స్టూడియో. మధ్యలో ఆ రోడ్డు ఇప్పుడున్న జూబ్లీ చెక్ పోస్టు వైపు వెళ్లే మార్గం..' అంటూ నాగ్ ట్వీట్ చేశారు. లెజెండ్స్ పేర్లను తలుచుకుంటూ గౌరవసూచకంగా ట్వీట్ లో వారికి నమస్కారం కూడా పెట్టారు నాగ్. <br />నాగ్ షేర్ చేసిన ఈ ఫోటో సోషల్ మీడియాలో వైరల్ గా మారింది. అయితే ఈ ఫోటో ఏ సినిమాకు సంబంధించినది? అన్నదానిపై మాత్రం క్లారిటీ లేదు. ఒకప్పుడు అంత ఖాళీగా కనిపిస్తున్న ఆ స్థలంలో ఇప్పుడు ఎటూ చూసినా పెద్ద పెద్ద భవనాలే. అప్పటికీ ఇప్పటికీ పరిస్థితులు కూడా చాలా మారిపోయాయి. <br />ఈ ఫోటోను చూశాక.. సినీ ఇండస్ట్రీ చెన్నై నుంచి హైదరాబాద్ రావడంలో నాగేశ్వరరావు చేసిన కృషిని కొంతమందిని ప్రత్యేకంగా గుర్తుచేసుకుంటున్నారు. ఆరోజుల్లో ఆయన ధైర్యం చేసి హైదరాబాద్ రాబట్టే.. ఆ తర్వాత ఒక్కొక్కరుగా చెన్నై నుంచి తరలివచ్చారని గుర్తుచేస్తున్నారు. <br />ఎన్టీఆర్&ఏఎన్నార్ కలయికలోని ఈ రేర్ ఫోటో అభిమానులను విపరీతంగా ఆకట్టుకుంటోంది. ఇలాంటి ఫోటోను షేర్ చేసినందుకు కింగ్ నాగార్జునకు ఫ్యాన్స్ థ్యాంక్స్ చెబుతున్నారు. <br />